ყაზახეთი მიმართულებით ფრენები გადაიდო. ამ ეტაპზე უცნობია, როდის აღგება რეისები. ქუთაისის საერთაშორისო აეროპორტიდან თვითმფრივანი დღეს, 6 დეკემბერს, ქალაქ ატირაუში უნდა გაფრენილიყო. ავიაკომპანია Flyorystanis-ს წარმომადგენელმა On.ge-ს უთხრა, რომ ამ ეტაპზე არ აქვს ინფორმაცია, როდის განახლდება ფრენები.

ქუთაისის აეროპორტში ადამიანები ფრენების აღდგენას ელოდებიან.

"არაფრის თქმა არ შემიძლია, გარდა იმისა, რომ სახლში დაბრუნება მინდა. ჯერჯერობით არაფერს გვეუბნებიან, რატომ ვერ ვბრუნდებით", — ამბობს ყაზახეთის მოქალაქე მედიასთან [ფორმულას თარგმანი].

"არ გვეშინია, იქ ჩვენი სახლია. ჩვენი სამოქალაქო ვალდებულებაცაა ახლა სამშობლოში ვიყოთ", — ამბობს კიევ ერთი მოქალაქე [TV პირველის თარგმანი].

როგორც აეროპორტების გაერთიანებაში On.ge-ს უთხრეს, ქუთაისის აეროპორტიდან გუშინ, 5 დეკემბერს ყაზახეთის ქალაქ ნურ-სულთანის მიმართულებით ფრენა შესრულდა. თუმცა თბილისის აეროპორტიდან ფრენები 5 და 6 დეკემბერსაც გადაიდო.

ყაზახეთში კვლავ დაძაბულობაა. საწვავის ფასის ზრდის გამო 4 იანვარს დაწყებული მასობრივი აქციების შემდეგ, ყაზახეთის მთავრობა გადადგა, თუმცა დაპირისპირება არ შეწყვეტილა. მოქალაქეები პრეზიდენტის გადადგომას ითხოვენ. ქვეყნის მასშტაბით საგანგებო მდგომარეობაა გამოცხადებული.

დემონსტრანტებმა აიღეს ალტანის აეროპორტი და ჩამოაგდეს ნურსულთან ნაზარბაევის ძეგლი. მოგვიანებით, აეროპორტზე კონტროლი სამთავრობო ძალებმა აიღო. მთელი ქვეყნის მასშტაბით გათიშული იყო, როგორც მობილური, ასევე ხაზის ინტერნეტი და დაბლოკილია რამდენიმე აპლიკაცია. ინტერნეტი ქალაქების ნაწილში აღდგა.

მოქმედმა პრეზიდენტმა, ყასიმ-ჟომარტ ტოყაევმა დემონსტრანტებს ხულიგნები უწოდა, ძალადობასა და მაღაზიების ძარცვაში დაადანაშაულა. "სახელმწიფო ინსტიტუტების დაცვისა და ძალოვანი სტრუქტურების დახმარების" მიზეზით ტოყაევმა მხარდაჭერა კოლექტიური უსაფრთხოების ორგანიზაციას, იგივე ОДКБ-ს სთხოვა. ქვეყნის ტერიტორიაზე შევიდნენ რუსული ჯარებიც, მათ შორის, BBC-ის ინფორმაციით, რუსეთმა ყაზახეთში 45-ე საჰაერო სადესანტო სპეცდანიშნულების ბრიგადა გაგზავნა, რომელიც 2008 წელს რუსეთ-საქართველოს ომში მონაწილეობდა.

პრეზიდენტმა ყასიმ-ჟომარტ ტოყაევმა განაცხადა, რომ ამ ეტაპზე ქვეყანაში "ანტიტერორისტული" ოპერაცია მიმდინარეობს, რომელიც "ბოევიკების სრულ განადგურებამდე" გაგრძელდება. მისივე თქმით, სამართალდამცავებს და არმიას მისცა ბრძანება, რომ ცეცხლი გაფრთხილების გარეშე გახსნან.