დღეიდან თბილისში სამგზავრო ბარათების გაყიდვა დაიწყო. ბარათების შეძენა მეტროს სალაროებშია შესაძლებელი, ხოლო ხვალიდან ისინი საქართველოს ბანკის ექსპრეს ფილიალებშიც გაიყიდება. ულიმიტო მგზავრობის სისტემა დედაქალაქში პირველი თებერვლიდან ამოქმედდება.

საზოგადოებრივი ტრანსპორტის მომხმარებლებისთვის ულიმიტო მგზავრობის სისტემასა და შესაბამისი ტიპის ბარათების შექმნაზე თბილისის მერმა, კახა კალაძემ 22 დეკემბერს განაცხადა. მისი მტკიცებით, საზოგადოებრივი ტრანსპორტის ტარიფი არ იზრდება, აბონიმენტები ყველა განვითარებულ ქვეყანაში გამოიყენება და საქართველოშიც სწორედ ეს სისტემა ინერგება.

ულიმიტო ბარათების საფასური მისი გამოყენების პერიოდზეა დამოკიდებული:

  • ულიმიტო 90-წუთიანი ბარათი — 1 ლარი;
  • ულიმიტო 1-დღიანი ბარათი — 3 ლარი;
  • ულიმიტო 1-კვირიანი ბარათი — 20 ლარი;
  • ულიმიტო 1-თვიანი ბარათი — 40 ლარი;
  • ულიმიტო 3-თვიანი ბარათი — 100 ლარი;
  • ულიმიტო 6-თვიანი ბარათი — 150 ლარი;
  • ულიმიტო 1-წლიანი ბარათი — 250 ლარი.

გაიგე მეტი: