დაავადებათა კონტროლის ცენტრის დირექტორის, ამირან გამყრელიძის განცხადებით, 2022 წლისთვის მოსახლეობის 70%-ის ვაქცინაცია იქნება მიზანი.

"მიზანი 2022 წლისთვის იქნება 70%-ზე გასვლა, ოღონდ არა უკვე მხოლოდ მოზრდილი მოსახლეობის, არამედ მთელი მოსახლეობის. მოგეხსენებათ, ბავშვებში ჯერ ძალიან აქტიურად არ გვაქვს იმუნიზაცია, უმეტეს ქვეყნებშიც ჯერჯერობით ბავშვებში 5-დან 11 წლამდე არ არის ეს დაწყებული, ამიტომ ძირითადი ოპერირება მაინც მოზრდილებზე ხდება, მაგრამ ახალი გეგმით, რომელიც იანვრის მეორე ნახევარში დამტკიცდება სამინისტროს მიერ და შემდგომ საკოორდინაციო საბჭოს მიერ, ის გულისხმობს უკვე ივლისისთვის, რომ უნდა გავიდეთ 70%-იან მოცვაზე", — განაცხადა მან ფორმულას ეთერში.

30 დეკემბრის მონაცემებით, საქართველოში კორონავირუსის 2 100 ახალი შემთხვევა დადასტურდა, გამოჯანმრთელდა — 2 251, ხოლო გარდაიცვალა 42 ადამიანი.

ბოლო 24 საათში ჩატარდა 38 802 კვლევა ტესტით, მათ შორის ,ანტიგენის სწრაფი ტესტით — 23 472, PCR ტესტით — 15 330

დადებითობის დღიური მაჩვენებელი არის 5,41%, ბოლო 14 დღის — 5,5%, ბოლო 7 დღის — 5,28%.