დიასპორის დღეს თბილისში გამართულ ფორუმზე "გაუზიარე გამოცდილება სამშობლოს" საქართველოს პრეზიდენტი სიტყვით გამოვიდა და თქვა, რომ დიასპორა მნიშვნელოვანი ძალაა ქვეყნისთვის:

"ჩვენ გვჯერა, რომ იმ ადამიანებს შორის, ვინც დღეს საქართველოს ფარგლებს გარეთ მოღვაწეობენ, არიან ისეთები, რომლებიც ქართულ თვითმყოფადობას და საქართველოს დღევანდელ დღეს შექმნიან.

სიტყვა დიასპორა შეიცავს გარკვეულ ტკივილს, სევდას, მაგრამ ამავე დროს, დიდი შესაძლებლობების, დიდი პოტენციის და დიდისულიერი ძალის მატარებელია".

გიორგი მარგველაშვილის თქმით, ის ეცდება მათ სირთულეების მოგვარებაში დაეხმაროს:

"ნაწილობრივ ვიცი ის სირთულეები, რომლებიც თქვენ წინაშე დგას, ნაწილობრივ მაქვს ამ სირთულეების მოგვარების შესაძლებლობა. მინდა გითხრათ, რომ ისევე როგორც ჩვენს ქვეყანაში მცხოვრები მოქალაქეების სამსახურში, ასევე თქვენ სამსახურშიც ვარ და მიგულეთ თქვენს თანამებრძოლად ჩვენი ქვეყნის განვითარების საქმეში".

საერთაშორისო ფორუმს პრემიერმინისტრი გიორგი კვირიკაშვილი და მართლმადიდებლური ეკლესიის პარტრიარქი ილია მეორე დაესწრო.