საქართველოს მოქალაქემ სახელმწიფოსგან წართმეული 12 ჰექტარი მიწის ნაკვეთი, სასამართლოს გზით, უკან დაიბრუნა. მოქალაქის უფლებებს სასამართლოში საერთაშორისო გამჭვირვალობა - საქართველო იცავდა.

სამწლიანი დავის შემდეგ, სასამართლოს გადაწყვეტილებით, დიდი ლილოს ტერიტორიაზე მდებარე 12 ჰექტარი მიწის ნაკვეთი, რომლის საბაზრო ღირებულება აუდიტის შეფასებით მილიონ ნახევარი ლარია, მოქალაქე საკუთრებაში დაუბრუნდა.

მოქალაქემ და 17-მა მოიჯარემ ნაკვეთი 2006 წელს სახელმწიფოსგან აუქციონის წესით შეიძინეს და საჯარო რეესტრში დაარეგისტრირეს. თუმცა, 2010 წელს, ეს ტერიტორია სახელმწიფოს საკუთრებად დარეგისტრირდა და მასზე ნაგავსაყრელი მოეწყო.

სასამართლოს გადაწყვეტილების კანონიერ ძალაში შესვლის შემდეგ, მოქალაქე გეგმავს, სახელმწიფოსაგან მიყენებული ზიანის ანაზღაურების მოთხოვნით სასამართლოსათვის მიმართვას.