ჯანდაცვის მინისტრის მოადგილის, თამარ გაბუნიას განცხადებით, ხანდაზმულებისთვის ბინაზე ვაქცინაციის პროგრამა დაიწყეს. ამის შესახებ მან საკოორდინაციო საბჭოს სხდომაზე ისაუბრა.

"დღეს გარკვეულწილად არის მეტი აქტივობა ახალგაზრდა და ესენციურ ჯგუფებში და არა ხანდაზმულებში. ხანდაზმულებში ჩვენ გვაქვს მეტად მიზანმიმართული აქტივობები ხანდაზმულთა სახლებში და თავშესაფრებში მყოფ პირებში, აქ ვაქცინაცია აქტიურია და თითქმის სრული მოცვა არის მიღწეული ზოგიერთ დაწესებულებაში. ასევე, დავიწყეთ ბინაზე ხანდაზმულების ვაქცინაციის პროგრამა და ვფიქრობ, მომდევნო კვირიდან უფრო აქტიური გახდება. სამინისტროს დაუკავშირდნენ ხანდაზმულები, რომლებიც ბინაზე არიან და სჭირდებათ ვაქცინაციის პროგრამა", — განაცხადა მან.

საქართველოში ვაქცინის ორივე დოზით ორივე 50 000-ზე მეტი ადამიანია აცრილი. ქვეყანაში Covid-19-ის საწინააღმდეგო აცრა, ამ ეტაპისთვის, ოთხი — AstraZeneca, Pfizer-ის, Sinopharm-ისა და Sinovac-ის ვაქცინით არის შესაძლებელი. ქვეყანაში ვაქცინაცია AstraZeneca-ს ვაქცინით 15 მარტიდან დაიწყო.

გაიგეთ მეტი ვაქცინაციის მნიშვნელობაზე: