შინაგან საქმეთა სამინისტროს ინფორმაციით, პოლიციამ სამეგრელოში ბებიის მკვლელობის ბრალდებით 1 პირი დააკავა.

უწყების ცნობით, ბრალდებულმა ფოთში, საცხოვრებელ სახლში თავის არეში ბლაგვი საგნით ბებიას დაზიანება მიაყენა, რის შედეგადაც ქალი გარდაიცვალა.

შსს-ს ინფორმაციით, საქმეზე გამოძიება სისხლის სამართლის კოდექსის 11 პრიმა 109-ე მუხლის მე-2 ნაწილის "ვ" ქვეპუნქტით მიმდინარეობს, რაც 13-დან 17 წლამდე ვადით თავისუფლების აღკვეთას ითვალისწინებს.