ექიმი ნანა გეგეჭკორის განცხადებით, ვაქცინა სრულად იცავს არა ინფიცირებისგან, არამედ დაავადების მძიმე ფორმებისა და სიკვიდილისაგან. ამის შესახებ მან საკუთარ Facebook-ზე დაწერა.

"ამ დროისთვის არსებული არც ერთი ვაქცინა სრულად არ იცავს ინფიცირებისგან. ყველა მათგანი იცავს დაავადების სიმპტომატური/მძიმე ფორმების, ჰოსპიტალიზაციისა და სიკვდილისგან. ის, რომ აცრილს კოვიდი დაუდასტურდა ნორმალურია. ეს ფაქტი არ ნიშნავს, რომ ვაქცინა არ მუშაობს. მეტიც, ერთეულ შემთხვევებში მძიმე ფორმების განვითარებაც შესაძლებელია, რადგან 100%-იან დაცვას არც ერთი ვაქცინა არ დაგვპირებია", — წერს ის.

ექიმის განცხადებით, ამერიკის მაგალითზე შეუძლია თქვას, რომ ვაქცინაცია ნამდვილად ეფექტურია.

"იქ სადაც მე ვმუშაობ, წინა კვირას მხოლოდ 4 კოვიდინფიცირებული იყო, არც ერთი ინტენსიური თერაპიის განყოფილებაში, მაშინ როცა რამდენიმე თვის წინ იყო პერიოდები 400-ზე მეტი ერთროულად იყო მართვით სუნთქვაზე", — აცხადებს გეგეჭკორი.

დღეს ჯანდაცვის მინისტრის, ეკატერინე ტიკარაძეს კორონავირუსი დაუდასტურდა. მინისტრმა კორონავირუსის საწინააღმდეგო ვაქცინა AstraZeneca-ს პირველი დოზა 23 მარტს გაიკეთა. ის საჩხერის სამედიცინო ცენტრში პირდაპირ ეთერში აიცრა.