გირჩი — მეტი თავისუფლების ლიდერის, ზურაბ ჯაფარიძის განცხადებით, ხელისუფლება ქურდულ სამყაროსთან და ორგანიზებულ კრიმინალთან "ჩახუტებულია".

"თავისთავად ეგ ფაქტი არ ვიცი რამდენად არის მაგის მტკიცებულება, შეიძლება ვიღაცის უწყინარი ხუმრობაც ყოფილიყო, მაგაზე მსჯელობა სერიოზულად რთულია, თუმცა ის, რომ ეს ხელისუფლება ჩახუტებულია ორგანიზებულ კრიმინალთან და ქურდულ სამყაროსთან, ამაში, მგონი, ახალი არაფერი არ არის. ეს ჩანს ყოველდღიურობაში და განსაკუთრებით ჩანს ხოლმე წინასაარჩევნო პერიოდში, როდესაც ხმები სჭირდებათ და იყენებენ ქურდულ სამყაროს იმისთვის, რომ ე.წ. ქუჩა დააორგანიზონ და ყველა უბანთან, თუკი ვინმეს არჩევნებთან ჰქონია, ყველას ნანახი ჰყავს ადამიანები ნახევრად კრიმინალური მენტალიტეტით, რომლებიც აორგანიზებენ ხმების რაღაც ნაწილს სწორედ ზემოდან მიღებული მითითებებით", — აცხადებს ჯაფარიძე TV პირველის ეთერში.

51-ე სკოლაში მისულ მანდატურის სამსახურის უფროსს დაფაზე რუსულენოვანი წარწერა "ქურდებს სიცოცხლე" დახვდა.