შინაგან საქმეთა მინისტრი, ვახტანგ გომელაურის თქმით, დავით გარეჯში ჟურნალისტებზე თავდასხმის საქმეზე გამოძიება ფაქტის შესაბამისად დაიწყო. მედიასაშუალებების წარმომადგენლები მინისტრს ეკითხებოდნენ, რატომ დაიწყო გამოძიება მხოლოდ ძალადობის მუხლით.

"ყველანაირი ძალადობა არის მიუღებელი, მით უმეტეს ჟურნალისტებზე, ასევე, მოქალაქეებზე. გამოძიებიდან გამომდინარე რაც დადგინდება, დაისჯებიან კანონის შესაბამისად. რაც ჰქონდათ ფაქტი, მაქედან გამომდინარე დაიწყეს [გამოძიება]. მე არ ვარ გამომძიებელი, მე ვარ შინაგან საქმეთა მინისტრი, რაც მომახსენეს, იქიდან გამომდინარე დავიწყეთ გამოძიება. ნახავენ კადრებს, დააკვირდებიან, შეიძლება ხუთი მუხლი დაემატოს, შეიძლება არაფერი დაემატოს", — აღნიშნა მინისტრმა.

4 მაისს დავით გარეჯში მთავარი არხის გადამღებ ჯგუფსა და კარტოგრაფ ივერი მელაშვილს დაუპირისპირისპირდნენ. ტელეკომპანიის გავრცელებულ კადრებში ჩანს, რომ აგრესიული სასულიერო და სამოქალაქო პირები მელაშვილს ემუქრებიან და ჟურნალისტს ფიზიკურად უხეშად ეხებიან.

შინაგან საქმეთა სამინისტრომ გამოძიება თავდასხმაზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.