დღეს, 15:00 საათზე მოქალაქეების კომენდანტის საათის გაუქმებას მოითხოვენ. აქცია, რომელიც Facebook-ზე დაანონსდა, თბილისში, თავისუფლების მოედანზე გაიმართება.

"საქართველოს კონსტიტუციის მე-14 მუხლის თანახმად, საქართველოს ტერიტორიაზე საქართველოს მოქალაქის მიმოსვლის თავისუფლება არის კონსტიტუციით დაცული უფლება. უკვე ზედიზედ მეოთხე თვეა, რაც სახელმწიფო ამ უფლებას გვიზღუდავს.
დღეს, როდესაც დღიური დადებითობის მაჩვენებელი იმაზე სამჯერ დაბალია, ვიდრე შეზღუდვების მოხსნის წინაპირობად იყო გაცხადებული, ხელისუფლებას არ აქვს არანაირი არგუმენტი, იმისათვის, რომ შეგვიზღუდოს კონსტიტუციით გარანტირებული უფლებები", — აღნიშნავენ აქციის მონაწილეები.

მათივე განცხადებით, იმ შემთხვევაში, თუ შედეგს ვერ მიაღწევენ, გადავლენ ყოველდღიური აქციების რეჟიმში, სადაც მონაწილეობის მიღება შეეძლება ყველას — როგორც სახლიდან გაუსვლელად, ასევე სხვადასხვა აქტივობის სახით.

აქციის ორგანიზატორები კომენდანტის საათის გაუქმების მოთხოვნით აგროვებენ ხელმოწერებსაც, რომელიც შეგიძლიათ იხილოთ აქ.