შინაგან საქმეთა სამინისტრო პოლიტიკური პარტიის წარმომადგენლებსა და მხარდამჭერებს მოუწოდებს, პროტესტი მშვიდობიანი ფორმით გამოხატონ, თავი შეიკავონ ძალადობრივი ქმედებებისგან და ხელი არ შეუშალონ პოლიციას სასამართლოს გადაწყვეტილების აღსრულებაში.

"პოლიციის მიერ დაუყოვნებლივ იქნება აღკვეთილი ძალადობის მცდელობის ნებისმიერი ფაქტი, ხოლო საზოგადოებრივი წესრიგის დამრღვევი ნებისმიერი პირი პასუხს აგებს კანონის სრული სიმკაცრით", — აცხადებენ უწყებაში.

ერთიანი ნაციონალური მოძრაობის ოფისში პოლიცია მივიდა. ამ დროისთვის, ადგილზე რამდენიმე პოლიციელია, თუმცა სამართალდამცავები მობილიზებულები არიან მიმდიარე ტერიტორიაზე. მათი განცხადებით, სასამართლოს მიერ გაცემულია განჩინება და ადგილზე სწორედ იმიტომ არიან, რომ "შესაბამისი ზომები გაატარონ".