მთავრობის ადმინისტრაციასთან მიმდინარე აქციის ერთ-ერთი ორგანიზატორის, ალექსანდრე გიორგაძის განცხადებით, თუ პირველ თებერვალს, სამუშაო დღის ბოლომდე მთავრობა არ მისცემს მათ მუშაობის უფლებას, დაუმორჩილებლობას გამოაცხადებენ. მისი განმარტებით, დაუმორჩილებლობა არ გულისხმობს პიკეტირებას ან აქციებს და ისინი დაიწყებენ მუშაობას.

აქციაზე მყოფებმა თავიანთი პრობლემები გააჟღერეს და კიდევ ერთხელ მოითხოვეს ბიზნესისა და სკოლების გახსნა, შეზღუდვების შემსუბუქება და საზოგადოებრივი ტრანსპორტის აღდგენა. მათ სიმბოლურად მოაწერეს ხელი თანადგომის აქტს.

ფოტო: ლანა კოკაია / On.ge

აქციის მონაწილეები On.ge-სთან საუბრისას აცხადებენ, რომ შეზღუდვების გამო მათ დიდი ფინანსური ზარალი მიადგათ და თანამშრომლების დიდი ნაწილის გათავისუფლება მოუწიათ.

200-მა რესტორანმა პროტესტის ნიშნად დღეს მიტანის სერვისი გათიშა და მთვრობის ადმინისტრაციამდე მსვლელობა გამართა.