დეკანოზი თადეოზ სარალიძე, რომელიც არმენოფობიური განცხადებებით გამოირჩევა, საეკლესიო "სასჯელის" სახით მონასტერში განამწესეს. ამის შესახებ განცხადებას საქართველოს საპატრიარქოს საზოგადოებასთან ურთიერთობის სამსახური ავრცელებს.

"საზოგადობაში არსებული ინტერესიდან გამომდინარე, დამატებით გაცნობებთ, რომ ჭიათურისა და საჩხერის ეპარქიის მღვდელმსახურს, დეკანოზ თადეოზ სარალიძეს დაედო საეკლესიო სასჯელად (ეპიტიმია) მონასტერში განწესება გარკვეული ვადით", — ნათქვამია განცხადებაში.

დეკანოზმა თადეოზმა 24 იანვრის ქადაგებისას თქვა, რომ უმჯობესია ბავშვი პატარა მოკვდეს, ვიდრე გაიზარდოს და "უმაქნისი" იყოს. ამასთან, დეკანოზი ანტისემიტური, არმენოფობიური გამონათქვამებითაც გამოირჩევა. ის, ასევე, კორონავირუსის ვაქცინააციის წინააღდმეგ ქადაგებს და მოსახლეობას მოუწოდებს აცრა არ გაიკეთოს.