დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორი, ამირან გამყრელიძე პასუხობს კლინიკების ასოციაციის განცხადებას იმის შესახებ, რომ ქვეყანაში ვაქცინის შემოტანა დაგვიანებულია. გამყრელიძე ამბობს რომ კრიტიკა მარტივია, საქმის კეთება კი რთული. იგი განმარტავს ვაქცინის შემოტანის პირობებსა და დოზების რაოდენობას.

"კრიტიკა ადვილია, არა?! კრიტიკა ძალიან ადვილია, საქმის კეთებაა რთული. მე გითხარით, რომ ვაქცინებთან დაკავშირებით საქართველომ მუშაობა დაიყწყო აგვისტოში. მე გითხარით ისიც, რომ საქართველოს წელს გარანტირებული აქვს 1 400 000 დოზა კოვაქსიდან, რომელიც წლის განმავლობაში უნდა მივიღოთ. წელს, ჩვენი გეგმით, რომელიც დამტკიცებულია უკვე მთავრობის მიერ, გვჭირდება 3,9 მილიონი დოზა. ანუ, 2,5 [მილიონი დოზა] არის კიდევ მოსაპოვებელი, რომელთან დაკავშირებითაც ძალიან ინტენსიური — ყოველწუთიერი, ყოველდღიური მუშაობა მიმდინარეობს სხვადასხვა ქვეყნებთან, სხვადასხვა მწარმოებლებთან.

გამყრელიძის ინფორმაციით, ევროკავშირის დაახლოებით 7-8 ქვეყნისგან გვაქვს პირობა, რომ როცა ისინი მათ მიერ შესყიდულ ვაქცინებს მიიღებენ, ზედმეტ ნაწილს საქართველოს გაუნაწილებენ.

"ევროკავშირის ქვეყნებს, რომლებსაც იმაზე მეტი აქვთ შეკვეთილი და ნაყიდი უკვე დოზები, ვიდრე მათ სჭირდებათ, უკვე დაახლოებით 7-8 ქვეყნისგან არის შეპირება, რომ როცა ისინი მიიღებენ, ამ ნამატ, ჭარბ დოზებს საქართველოს გადმოუნაწილებენ", — განაცხადა ამირან გამყრელიძემ.

გაიგეთ მეტი საქართველოს ვაქცინაციის გეგმაზე: