განდაცვის მინისტრის მოადგილის, თამარ გაბუნიას განცხადებით, კორონავირუსის ახალი შტამის დაფიქსირება მოულოდნელი არ იყო, რადგან, შეზღუდვების მიუხედავად, ადამიანები მაინც მოგზაურობენ საზღვრებს გარეთ.

"ხალხი მოგზაურობს მაინც და ძალიან მარტივია ამ შტამის გადაცემა. ამდენად, გასაკვირი არ იყო. გასაკვირი ის იქნებოდა, რომ არ აღმოჩენილიყო ეს შტამი ჩვენთანაც. მთავარია დროულად მოხდა იდენტიფიცირება. კონტაქტები ამ ერთი შემთხვევის იდენტიფიცირებული და იზოლირებულია", — განაცხადა გაბუნიამ პალიტრანიუსის ეთერში.

იგი ვარაუდობს, რომ ახალი შტამით ინფიცირებულთა რიცხვის გაზრდება.

"რა თქმა უნდა, არ არის გამორიცხული, რომ კიდევ სხვა შემთხვევაშიც დადასტურდეს მსგავსი შტამის არსებობა და იყოს გავრცლების მასშტაბი უფრო ფართო, ვიდრე დღეს, [როცა] ერთი შემთხვევაა ცნობილი ჩვენთვის", — განაცხადა თამარ გაბუნიამ.

გუშინ, 4 იანვარს, დაავადებათა კონტროლისა და საზოგადოებრივი ჯანდაცვის ეროვნულმა ცენტრმა დაადასტურა, რომ საქართველოში კორონავირუსის ახალი, ე.წ. ბრიტანული შტამის პირველი შემთხვევა დაფიქსირდა.

გაიგეთ მეტი: