შინაგან საქმეთა სამინისტროს განცხადებით, კლინიკა ვივამედის დაცვის თანამშრომლის დაჭრის ბრალდებით, წარსულში ნასამართლევი, ორი პირი დააკავეს.

უწყების ინფორმაციით,1977 წელს დაბადებულ ზ.გ.-ს ბრალი ედება ჯანმრთელობის განზრახ მძიმე დაზიანებაში, 1995 წელს დაბადებული შ.ბ.-ს კი ჯანმრთელობის განზრახ მსუბუქი დაზიანებაში.

შსს აცხადებს, რომ ბრალდებულებმა, ურთიერთშელაპარაკების ნიადაგზე, კლინიკა ვივამედის უსაფრთხოების თანამშრომელს 1995 წელს დაბადებულ პირს ფიზიკური შეურაცხყოფა მიაყენეს, რა დროსაც ზ.გ.-მ მას ცივი იარაღით სხეულზე დაზიანება მიაყენა.

დაკავებული ზ.გ.-ის მიმართ გამოძიება საქართველოს სისხლის სამართლის კოდექსის 117-ე მუხლის 1-ლი ნაწილით, შ.ბ.-ის მიმართ კი ამავე კოდექსის 120-ე მუხლის 1-ლი ნაწილით.

როგორც On.ge-ს ვივამედის კლინიკურმა დირექტორმა, ზურაბ ჩხაიძემ განუცხადა დაჭრილის მდგომარეობა მძიმეა.