"ტრამპი თავის ეგოზე ზრუნავს, ჯო ბაიდენი კი — თქვენი ოჯახის კეთილდღეობაზე", — განაცხადა აშშ-ის ყოფილმა პრეზიდენტმა, ბარაკ ობამამ ჯო ბაიდენის მხარდასაჭერ პირველ ერთობლივ ღონისძიებაზე. პოლიტიკოსები კამპანიის ფარგლებში ერთად პირველად გამოჩნდნენ.

ბაიდენს მხარდამჭერებისათვის სპეციალურად ჰელოუინისთვის შექმნილი პოსტერები ჰქონდა "ნუ იმუქრები, უბრალოდ შემოხაზე" (Don't Boo, Vote!). ეს ამავე დროს ობამას საფირმო ფრაზაცაა.

3 ნოემბერს აშშ-ში რიგით 59-ე საპრეზიდენტო არჩევნები გაიმართება, რომელსაც უზარმაზარი მნიშვნელობა აქვს არა მხოლოდ შტატებისთვის, არამედ დანარჩენი მსოფლიოსა და საქართველოსთვის. ტრამპის გამარჯვების შემთხვევაში მოქმედი პრეზიდენტი ვადას კიდევ ოთხი წლით გაიხანგრძლივებს. ბაიდენის არჩევის შემთხვევაში კი ქვეყანას ახალი 46-ე პრეზიდენტი ეყოლება.