მითების დეტექტორის ინფორმაციით, ფეისბუქზე გავრცელებული სქრინი იმაზე, რომ თითქოს რუსეთის დუმის დეპუტატმა სერგეი გავრილოვმა ბუბა კიკაბიძეზე ფეისბუქზე პოსტი დაწერა, სიცრუეა.

29 ოქტომბერს ენმ-ს წინასაარჩევნო ღონისძებაზე სიის პირველმა ნომერმა, ბუბა კიკაბიძემ თბილისო ქართულად და რუსულად იმღერა, რასაც საზოგადოების კრიტიკა მოჰყვა.

ფეისბუქ გვერდის, აქ საქართველოას გავრცელებული სქრინის მიხედვით, გავრილოვმა განაცხადა, რომ "ეს ფაქტი მოძმე საქართველოსთან ურთიერთობის ნორმალიზაციის იმედს იძლევა". მითების დეტექტორმა გადაამოწმა და აღმოჩნდა, რომ მსგავსი შინაარსის პოსტი გავრილოვის ფეისბუქზე არ იძებნება.

"გავრცელებული სქრინშოტი ყალბია, გავრილოვის ციტატა კი გამოგონილი. რეალურად, სერგეი გავრილოვის Facebook-პროფილზე მსგავსი შინაარსის პოსტი არ იძებნება. 29 ოქტომბერს „ერთიანი ნაციონალური მოძრაობის“ ორგანიზებულ აქციაზე ბუბა კიკაბიძის მიერ სიმღერა „თბილისოს“ ნაწილის რუსულ ენაზე შესრულებას რუსი პოლიტიკოსი არც სხვა სოციალურ ქსელებში გამოხმაურებია", — წერს მედიის განვითარების ფონდი.

ფოტო: მითების დეტექტორი

სიმღერასთან დაკავშირებით, ძალა ერთობაშიას კანდიდატმა, ნანუკა ჟორჟოლიანმა განაცხადა, რომ, უბრალოდ, ფონოგრამა აერიათ და ბუბამ არ შეიმჩნია, თავად კიკაბიძემ კი განაცხადა, რომ იმიტომ იმღერა, რათა გაეგოთ, "როგორი ლამაზი ქვეყანა ვართ ჩვენ".

2020 წლის საპარლამენტო არჩევნების შესახებ

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: