დღეს, 26 დეკემბერს, ე.წ. მოსმენების შესახებ კანონპროექტზე საპარლამენტო უმრავლესობის ერთ-ერთმა ლიდერმა გიორგი ვოლსკიმ განაცხადა, რომ კანონის მიღებისას გაითვალისწინებენ, როგორც სახელმწიფო უსაფრთხოებას ისე ადამიანის უფლებებს:

"უამრავი გამოწვევაა და სუსი არ ემუქრება ჩვენი მოქალაქის ღირსებას, პატივსა და მის თავისუფლებებს. მე ვფიქრობ, სახელმწიფო სტრუქტურების დისკრედიტაცია ზოგიერთს მთავარ ამოცანად გაუხდია და მეორე რიგში აქვს დაყენებული ის, რასაც ქვეყნის უსაფრთხოება ჰქვია. უნდა იყოს დაბალანდებული ადამიანის უფლებები და სახელმწიფო უსაფრთხოება და სწორედ ასეთი კანონი იქნება მიღებული".