განათება ოთახის ინტერიერის ერთ-ერთი ყველაზე მნიშვნელოვანი ელემენტია. ის განსაზღვრავს როგორც ოთახის ატმოსფეროს, ასევე გარემოს აღქმას, სივრცის მოცულობას, განწყობასა და ა.შ. როდესაც ოთახში დიდი რაოდენობით ბუნებრივი სინათლე ვერ ხვდება, ინტერიერის დიზაინერები რეკომენდაციას სანათებისა თუ ჭაღების გამოყენებას უწევენ. მნიშვნელოვანია სწორად აარჩიოთ თითოეული ნივთი განათების ხუთი განსხვავებული ტიპის მიხედვით.

ძირითადი განათება

ძირითადი განათება მთლიან ოთახში სინათლის გავრცელებაზეა პასუხისმგებელი. მას ფუნქციური დანიშნულება უფრო გააჩნია, ვიდრე ესთეტიური, მაგრამ პროფესიონალები ამ ელემენტს დიდი გულმოდგინებით არჩევენ.

ძირითადი განათების ყველაზე თვალსაჩინო მაგალითი ჭაღია, რომლის გარეშეც, ძალიან რთული იქნება სინათლის მთელს ოთახში გავრცელება.

გარემომცველი განათება

ძირითადი და გარემომცველი განათებების ერთდროულად გამოყენება სასურველ შედეგს ნებისმიერ ოთახში იძლევა.

ამის ერთ-ერთი საუკეთესო მაგალითია კედელზე პანელებით შექმნილი რბილი სინათლე, რომელიც თქვენი სახლის უფანჯრო ოთახს სიხალისესა და სიცოცხლეს შესძენს.

ფუნქციური განათება

ხშირად, ინტერიერის განუყოფელი ნაწილი ფუნქციური განათებაა, რომელსაც სპეციალურ დანიშნულებით არჩევენ.

ასეთ ფუნქციური დატვირთვის მქონე განათებებს, ყველაზე ხშირად, ვხვდებით ისეთ ადგილებში, როგორიცაა სამუშაო და საკითხავი არეალები, სამზარეულო და სააბაზანოები.

განათება განწყობის შესაქმნელად

ამ კატეგორიაში ძირითადად ისეთი განათებები ერთიანდება, რომლებიც ფუნქციურ როლზე მეტად ვიზუალურ დატვირთვას ატარებენ.

მათ შორისაა სხვადასხვა ფორმისა თუ ზომის მაგიდის ლამაზი სანათები, რომელთა კონტროლიც შესაძლებლობას მოგცემთ სივრცე ისე გაზარდოთ ან დააპატარავოთ, როგორც მოგესურვებათ.

აქცენტური განათება

ნებისმიერი ტიპის ოთახში მოიძებნება ისეთი მონაკვეთი, რომელსაც სინათლე ყველაზე ნაკლებად ხვდება. ასეთ დროს ატმოსფეროსა და ფერთა გამის დასაბალანსებლად აქცენტურ განათებას იყენებენ.

ინტერიერის დიზაინერები მსგავს შემთხვევაში რეკომენდაციას განსაკუთრებით მძლავრი სანათებსა და მინიატურული ჭაღების შეძენას უწევენ.

განათლების დანიშნულების მიხედვით შერჩევის გარდა, აუცილებელია მისი ხარისხისა და ვიზუალური მახასიათებლების გათვალისწინებაც. სამშენებლო-სარემონტო მასალების ამიერკავკასიაში უდიდესი ჰიპერმარკეტი მიჰაუსი მომხმარებელს ნებისმიერ ჭაღზე 15-პროცენტიან ფასდაკლებას სთავაზობს. სააქციო პერიოდი 11 სექტემბრიდან 24 სექტემბრის ჩათვლით გაგრძელდება.