ხშირად, ჯერ კიდევ ღრმა ბავშვობიდან გვესმის ისეთი ამბები, რომლებიც საზოგადო ჭეშმარიტებადაა მიჩნეული, თუმცა, შემდეგ, გარკვეულ ასაკში აღმოვაჩენთ, რომ, როგორც იტყვიან, ტყუილში გვიცხოვრია.

არა, ცრურწმენებს არ ვგულისხმობთ. უკვე გეცოდინებათ, რომ არც ღამით ნაგვის გატანით გაღარიბდებით და არც დანის მაგიდაზე პირაღმა დადებით. ალბათ უკვე ისიც გაიგეთ, რომ ანდაზაში "რაც მოგივა დავითაო, ყველა შენი თავითაო" არანაირი დავითი, დათო, დათუჩა არ არსებობს.

თუმცა, სწავლა სიბერემდეო. ჯერ კიდევ ბევრი რამ გვაქვს გადასამოწმებელი და დასადგენი. თუნდაც ის, რომ ენაზე სხვადასხვა ადგილი არ არის სიმწარის, სიტკბოს და სიმჟავის შესაგრძნობად.

ცოტა ხნის წინ სოციალურ ქსელში დაისვა კითხვა, რა არის ისეთი საზოგადოდ გავრცელებული მოსაზრება, რაც მართალი ეგონათ, თუმცა ტყუილი აღმოჩნდა. ამ სტატიაში 11 პასუხს წარმოგიდგენთ, რომლებმაც ყველაზე მეტად განაცვიფრა ინტერნეტმომხმარებლები.

1. ნაპოლეონი დაბალი არ ყოფილა, უბრალოდ, მისმა გამარჯვებულმა მეტოქეებმა აუგორეს ჭორები

ფოტო: WiffleGif

2. ჩიტის ბარტყს თუ შეეხებით, მისი მშობლები ამის გამო არც მიატოვებენ და არც მოკლავენ, მთავარია, ბუდე არ დაუზიანოთ

ფოტო: Sad and Useless

3. ოქროს თევზებს სულაც არ აქვთ სამწამიანი მეხსიერება. ამბავს ისინი თვეების განმავლობაში იმახსოვრებენ, ცნობენ პატრონებს და შეუძლიათ მათი სხვა ადამიანებისგან გარჩევა

ფოტო: Gifer

4. ჩვენ ტვინის მხოლოდ 10 პროცენტს არ ვიყენებთ

ფოტო: Scientist Cindy

5. ტვინის აქტიური უბნების მიხედვით არც შემოქმედებით და პრაგმატულ ადამიანების ტიპებად ვიყოფით

ფოტო: Smithsonian Science Education Center

6. თითების ეგრეთ წოდებული დატკაცუნება ართრიტს არ იწვევს

ფოტო: BuzzFeed

7. არც ძილში ყლაპავთ 8 ობობას ყოველწლიურად (ბილი აილიშს, ცხადია, ეს არ ეხება)

ფოტო: My Modern Met

8. ჩინეთის დიდ კედელს კოსმოსიდან ვერ დაინახავთ

ფოტო: Gfycat

9. მხოლოდ ხუთი გრძნობა არ გვაქვს

ფოტო: SHEmazing!

10. გაციებისას ბევრი C ვიტამინის მიღება არ გვკურნავს

ფოტო: Gfycats

11. არც გადაყლაპული საღეჭი რეზინი რჩება კუჭში უკუნითი უკუნისამდე

ფოტო: Shape Magazine