თბილისის მერიის ბიუჯეტის დაზუსტებული პროექტის თანახმად, 2017 წელს პროექტ ახალი ტფილისის მეორე ეტაპის ფარგლებში, ორბელიანისა და გუდიაშვილის მოედნების აღდგენა-რეაბილიტაცია დაიწყება.

ამის შესახებ თბილისის მერმა, დავით ნარმანიამ დღეს, 16 დეკემბერს, საკრებულოში, ბიუჯეტის პროექტის წარდგენისას განაცხადა.

თბილისის მერის თქმით, პროექტის ფარგლებში გაგრძელდება პუშკინის #19 და ყავლაშვილის #5-7 შენობების სარეაბილიტაციო სამუშაოები, 7 ყველაზე გამორჩეული სადარბაზოს რეაბილიტაცია.

მერიის ცნობით, თბილისის 2017 წლის ბიუჯეტი 801 302,0 ათასი ლარით განისაზღვრა და პირვანდელ ვარიანტთან შედარებით გაზრდილია 1 031,5 ათასი ლარით.