"ბატონი ბიძინა ივანიშვილი დიდი ხანია ჩართულია საარჩევნო კამპანიაში", — ასე უპასუხა პრემიერმინსიტრმა, გიორგი გახარიამ ჟურნალისტების კითხვას იმის შესახებ, სად არის მათი პარტიის ლიდერი და რატომ არ ერთვება საარჩევნო კამპანიაში.

"იღებს მონაწილეობას და აქტიურად მიმდინარეობს მუშაობა. ამაზე ნუ ღელავთ", — განაცხადა გახარიამ.

მმართველი გუნდის ლიდერი კორონავირუსის პანდემიის დროს საზოგადოებასთან და მედიასთან არ გამოჩენილა. საკარანტინო შეზღუდვების მოხსნის შემდეგ ის მედიის გარეშე იმოფებოდა ქუთაისის უნივერსიტეტის დასათვალიერებლად და შეხვდა რამდენიმე სასულიერო პირს, რომელთაც ეკლესიების აშენებას დაპირდა.

ასევე, ივანიშვილი დაესწრო მაჟორიტარი დეპუტატობის კანდიდატების წარდგენას, თუმცა მედიასთან არ უსაუბრია. მმართველმა პარტიამ გაავრცელა ფოტოები, სადაც ჩანს, რომ პარტიის ლიდერს სოციალური ქსელის მეშვეობით ეკონტაქტებიან.