ნამდვილი ვილი ვონკა ამით იამაყებდა, თუმცა შვეიცარიული ქალაქის ბინადარნი გაოგნებულები იყვნენ, როდესაც შოკოლადის ქარხნის სავენტილაციო სისტემის გაუმართაობის შემდეგ ქალაქში კაკაოს ფხვნილის თოვლი წამოვიდა.

კომპანია The Lindt & Spruengli-მ დაადასტურა, რომ ციურიხსა და ბაზელს შორის მდებარე ქალაქ ოლტენის ქარხნის გაგრილების სისტემაში მცირე ხარვეზი დაფიქსირდა იმ ზონაში, სადაც მოხალული კაკაოს მარცვლები იწარმოება. მსხვილად დაფხვნილი კაკაოს ეს მარცვლები შოკოლადის ძირითადი კომპონენტია.

პარასკევს, 14 აგვისტოს, ძლიერ ქარის წყალობით ფხვნილი ქარხნის უშუალო სიახლოვეში მიმოიფანტა და კაკაოს "თოვლი დადო".

კომპანიის თქმით, ერთი მანქანა მსუბუქად დაიფარა, მფლობელს კი გასუფთავებისთვის საჭირო ნებისმიერი თანხის გამოყოფის მზაობა განუცხადეს — თუმცა კომპანიას ამ შემოთავაზებაზე თანხმობა ჯერ არ მიუღია.

ქარხანაში წარმოება ჩვეული პროცესით გაგრძელდა, კომპანიამ კი განაცხადა, რომ კაკაოს ნაწილაკები ხალხისა და გარემოსთვის აბსოლუტურად უვნებელი იყო.

ქარხნის სავენტილაციო სისტემა ახლა კვლავ მწყობრშია.