ნიდერლანდების პოლიციის ცნობით, ქალაქ როტერდამში დააკავეს 30 წლის კაცი, რომელიც ტერორისტულ აქტს გეგმავდა. ინფორმაციას CNN ავრცელებს.

ნიდერლანდების სამეფოს შინაგან საქმეთა მინისტრის ინფორმაციით, მამაკაცი პოლიციამ რეიდის დროს დააპატიმრა. მისი საცხოვრებელი სახლის ჩხრეკისას ამოიღეს კალაშნიკოვის ტიპის ავტომატური ცეცხლსასროლი იარაღი, ტყვიები და ასაფეთქებელი მოწყობილობები, ასევე, 1 600 ევრო ნაღდი ფული, მობილური ტელეფონები და ტერორისტული ორგანიზაცია ისლამური სახელმწიფოს დროშა.

როტერდამი ჰააგიდან 23 კილომეტრში მდებარეობს, ის ერთ–ერთი ყველაზე მნიშვნელოვანი საპორტო ქალაქია ევროპაში, გარდა ამისა, აქ მდებარეობს არაერთი ისეთი უნივერსიტეტი, სადაც საერთაშორისო სტუდენტები სწავლობენ, მათ შორის, საქართველოდანაც.