პირბადის მოწინააღმდეგეთათვის სპეციალური პირბადეები გამოუშვეს

როგორ უნდა გააგებინო დანარჩენ მსოფლიოს, რომ უსაფრთხოების გამო პირბადის ტარებას სულაც არ ეთანხმები?

სხვა ბევრის მსგავსად, ამის მაგალითები საქართველოშიც არაერთხელ შეგვხვედრია: მაგალითად, მეტროში ჩასვლისას მოსაჩვენებლად პირბადის გაკეთება, შემდეგ კი სიმამაცის დასამტკიცებლად მისი მოხსნა და სახეზე ამაყი გამომეტყველების შენარჩუნება, რომ არაფერი გაშინებს.

თუმცა აშშ-ში კიდევ უფრო კრეატიულ მეთოდს მიმართეს: ონლაინ მაღაზია Etsy-ზე პირბადეები გამოჩნდა, რომლებზეც გამოსახული სპეციალური წარწერებით მომხმარებლებს სურვილის შემთხვევაში შეუძლიათ პირბადის ტარებისასაც კი დააფიქსირონ თავიანთი შეხედულება ამ საკითხზე.

უცნობია, ამ პროდუქტის შექმნის იდეა ირონიული იყო თუ მართლაც განზრახ პირბადის საწინააღმდეგო კამპანიისთვის შეიქმნა, თუმცა ცხადია, რომ ეს პანდემიის პირობებში პირბადეების ტარების მომხრეებსაც შესაძლებლობას აძლევს, რომ უფრო დაცულად იგრძნონ თავი იმათგან, ვინც მათ შეხედულებებს არ იზიარებს.

ახლა სწორედ რამდენიმე ასეთი პირბადის მაგალითს გაგიზიარებთ.

1. "იძულებული ვარ, ეს ვატარო"

2. "ეს ნიღაბი მთავრობასავით უსარგებლოა"

3. "იქნებ ორუელს თარიღი შეეშალა" (მინიშნება ცნობილ რომანზე 1984)

4. "მამაჩემს ამ ქვეყნისთვის იმიტომ არ უმსახურია, რომ მე ეს პირბადე მეტარებინა!"

5. "ამ პირბადით თავს უსაფრთხოდ გრძნობთ?"

6. "პლაცებო"

7. "სერიოზულად, ამას კვლავ რატომ ვაკეთებთ?"

8. "თავისუფლება ასე არ გამოიყურება"

9. "უსაფრთხო მონობას საშიში თავისუფლება მირჩევნია"

10. "ეშმაკმა მაიძულა ამის ტარება"

ბოლო ამბები:

გირჩევთ