დაავადებათა კონტროლის ცენტრის ცხელი ხაზი 116 001

დაავადებათა კონტროლის ცენტრის ხელმძღვანელი, ამირან გამყრელიძე ეხმაურება გავრცელებულ ინფორმაციას, რომ კორონავირუსის წინააღმდეგ არაყის დალევაა მიღებული და ამბობს, რომ არაყი არა დასალევად, არამედ, როგორც ანტისეპტიკის, ხელების დასაბანად გამოყენება შეიძლება.

"საპნის დეფიციტი ნამდვილად არ არის, შეგვიძლია საპნით დავიბანოთ ხელი. შეგვიძლია გავაზავოთ ოდნავ სპირტი, ხომ იყო გადმოცემები, რომ ჭაჭა შველისო. ჭაჭა დასალევად კი არ შველის, ჭაჭა შეგიძლიათ გააზავოთ წყალში და ანტისეპტიკური თვისებები აქვს ჭაჭას, შეიძლება გამოიყენოთ", — განაცხადა ამირან გამყრელიძემ.

საქართველოში ამჟამად კორონავირუსის 3 შემთხვევაა დაფიქსირებული. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე კი — 29 თებერვალს.

ამავე თემაზე:

გაიგეთ მეტი კორონავირუსის პრევენციის შესახებ: