საერთაშორისო ჯგუფ ვიონის წევრმა, ბილაინმა თამედროვე ციფრული მოთხოვნების შესაბამისი განახლებული ვებგვერდი წარადგინა.

ახლებური დიზაინითა და დამატებითი ფუნქციებით ვებგვერდი მაქსიმალურადაა მორგებული მომხმარებლის საჭიროებებს და ბევრად უფრო მარტივი გამოსაყენებელია.

განახლებული ვებგვერდი კომპანიის ყველა პროდუქტსა და მომსახურებას ერთ სივრცეში აერთიენებს და მომხმარებელს შესაძლებლობას აძლევს სწრაფად და მარტივად შეასრულოს სასურველი ოპერაციები.

ვებგვერდის ნებისმიერ ვიზიტორს შეუძლია ბილაინის სერვისების შესახებ ინფორმაციას გაეცნოს, მარტივად შეიძინოს სიმ ბარათი და გაიაქტიუროს სასურველი პაკეტი.

ბილაინის არსებულ აბონენტებს ასევე შეუძლიათ სწრაფად და მარტივად განახორცილონ ისეთი ოპერაციები, როგორებიცაა თანხის გადარიცხვა, ავტომატური გადახდის გააქტიურება, კრედიტის აღება თუ ინტერნეტ, ხმოვანი და მიქს პაკეტების შეძენა როგორც მობილური ბალანსიდან, ისე საბანკო ბარათით.

ინტეგრირებული "პირადი კაბინეტის" მეშვეობით აბონენტები შეამოწმებენ პირად მონაცემებსა და ბალანსს.

კიდევ ერთი საინტერესო სიახლე, რომელსაც აბონენტები დიდი ინტერესით შეხვდნენ, ბილაინის მიერ შექმნილი კომპიუტერული თამაშია, რომელიც მომხმარებელს მობილური ინტერნეტის მიღების შესაძლებლობას აძლევს.

განახლებულ ვებგვერდზე პოპულარული თამაში უკვე ხელმისაწვდომია. მომავალში კი თამაშის ახალი ვერსიების განთავსებაc იგეგმება.

ვებგვერდი ადაპტირებულია როგორც სმარტფონების, ასევე პლანშეტების ეკრანებისთვის. ბილაინის ახალი ვებგვერდის შექმნაში მნიშვნელოვანი წვლილი შეიტანეს აბონენტებმა, რომლებმაც კვლევაში მიიღეს მონაწილეობა და კომპანიას უკუკავშირი მისცეს.

კვლევაზე დაყრდნობით, ვებგვერდის განახლებისას მაქსიმალურად მოხდა მომხმარებლების ინტერესისა და საჭიროებების გათვალისწინება.

ბილაინი ციფრული პროდუქტების შექმნას და განვითარებას აგრძელებს და მომავალში
აბონენტებს არაერთ სიახლეს შესთავაზებს. ერთ-ერთი სიახლე ანდროიდის MyBeeline აპლიკაციის განახლებული ვერსიაც იქნება.