ვისაც მოდის სამყაროში მომხდარი სიახლეები გაინტერესებთ, გაგახარებთ და გეტყვით, რომ ბალენსიაგას 2020 წლის ზაფხულის კოლექციის რეკლამა გამოვიდა.

რეკლამაში კი ცნობილი მოდის სახლის მოდელებმა არც მეტი, არც ნაკლები წამყვანების როლი მოირგეს.

თუმცა, ახალი ამბების მაგივრად, რომელსაც ისინი "გვიყვებიან", ყურადღება რა თქმა უნდა, ახალი კოლექციის ტანსაცმელზე უნდა გავამახვილოთ.

აღსანიშნავია, რომ რამდენიმე წლის წინ დიზაინერი ჟურნალისტადაც მუშაობდა. შარშან სოციალურ მედიაში მისი ჟურნალისტობის დროინდელი პრესკარტის ამსახველი ფოტოც გავრცელდა.

ბარათზე, რომელიც საქართველოს პრეზიდენტის პრესსამსახურმა გასცა, ის კორესპონდენტადაა მითითებული.

ფოტო: FashionHolics Online

მალე, ალბათ, იმასაც გავარკვევთ თუ რა კავშირი აქვს ვიდეოში ნაჩვენები ამბების სათაურებს — "მზის დაბნელება", "არანაირი საცობები!", "სად მიდის წყალი?" და "კამპანია იწყება" — ბალენსიაგას ზაფხულის კოლექციასთან. შეგვიძლია ვივარაუდოთ, რომ დემნას ამჯერად იმის ჩვენება სურს, თუ რა გავლენა აქვს სამყაროს ცვლილებებს მოდაზე