ყველა ლონდონელი იცნობს მეტროს თაგვებს, რომლებიც ლიანდაგებზე დაძრწიან. ფოტოგრაფი სემ როული იმდენად მოხიბლული დარჩა ამ პატარა მღრღნელებით, რომ სასურველი კადრების გადასაღებად, მთელი კვირა მეტროში გაატარა.

საბოლოოდ, 1-კვირიანი წვალების შემდეგ, სემის შეუპოვრობამ შედეგი გამოიღო და უნიკალური კადრი დაიჭირა. მგზავრის დაგდებული ნამცეცის გამო, ორ თაგვს შორის ხელჩართული ბრძოლა გაიმართა. ფოტომ, სემი კონკურსში ხალხის რჩეული გახდა.

კონკურსის ველური ბუნების წლის ფოტოების მნახველებს საშუალება ჰქონდათ, რომ სასურველი ფოტოებისთვის ხმა ონლაინ მიეცათ.

28 ათასმა ადამიანმა ხმა სემის მოჩხუბარ თაგვებს მისცა.

ფოტო: Sam Rowley

სემმა მრავალი საათი გაატარა მეტროს იატაკზე გაწოლილმა. თაგვები, პურის ნამცეცებს ცალ-ცალკე აგროვებდნენ, შემდეგ ერთმანეთს შემთხვევით შეეჩეხნენ. ნადავლის გამო რამდენიმეწამიანი ჩხუბი გაიმართა, რის შემდეგაც მღრღნელები თავ-თავიანთ გზას გაუყვნენ.

"სასურველ ფოტომე მილიარდობით კადრი გადავიღე. ხუთი დღე იატაკზე ვიყავი გაწოლილი და ფოტოებს დღე და ღამე ვიღებდი, ასე რომ ოდესმე უნდა გამმართლებოდა", — ამბობს ფოტოგრაფი.

ლონდონელი ფოტოგრაფი ამჟამად BBC-ის ბუნებათმცოდნეობის ფილმების მკვლევრად მუშაობს. მისი განცხადებით, ქალაქის ცხოველების გადაღება მისი გატაცებაა. სემი გაოცებულია იმ სიმტკიცით, რომელიც ქალაქის ცხოველები გადასარჩენად იჩენენ ხოლმე:

"მაგალითად, ეს მეტროს თაგვები მთელი ცხოვრება მიწისქვეშ ატარებენ, ისე, რომ არასდროს უნახავთ მზე ან ბალახი. ერთი შეხედვით, ნამდვილად უიმედო სიტუაციაა, მთელი ცხოვრება მისჯილი გაქვს, რომ ერთი გვირაბიდან მეორე გვირაბში ირბინო, მხოლოდ იმიტომ, რომ ორ წელიწადში მოკვდე. თან, რადგან მეტროში ამდენი თაგვია და ასე ცოტა საჭმელი, ისეთი უმნიშვნელო რამეებისთვის უწევთ ბრძოლა, როგორიც პურის ნამცეცია".

Wildlife Photographer of the Year

ფოტო: AARON GEKOSKI/WPY

ლონდონის ბუნებათმცოდნეობის მუზეუმი ყოველწლიურად მართავს კონკურსს, რომელმაც ველურ ბუნებაში გადაღებული საუკეთესო ფოტო უნდა გამოარჩიოს.

"სემის ფოტო საშუალებას გვაძლევს, რომ ადამიანებით გაბატონებულ გარემოში, ცხოველების ცხოვრებას შევავლოთ თვალი. თაგვების საქციელი ჩვენ ყოველდღიურ ცხოვრებასთანაა დაკავშირებული. მაგალითად, ისინი იმ პურის გამო ჩხუბობენ, რომელსაც ჩვენ არც კი აღვიქვამთ სერიოზულად. ეს უბრალოდ გამოხატულებაა, რომ ადამიანები ყოველდღე აიგნორებენ ბუნებას. იმედია ეს ფოტო უფრო მეტს უბიძგებს ფიქრისკენ", — ამბობს მუზეუმის დირექტორი, მაიკლ დიკსონის.

მნახველებისგან განსაკუთრებული მოწონება კიდევ ოთხმა ფოტომ დაიმსახურა. მათ შორისაა ორანგუტანგი საცირკო წარმოდგენაში, იაგურები და ანაკონდა, გულისამაჩუყებელი კადრი რეინჯერსა და პატარა მარტორქას შორის და ჩრდილოეთის ირმები.

ფოტო: MICHEL ZOGHZOGHI/WPY

კონკურსის შედეგებზე ექსპერტთა ჯგუფი მსჯელობს. გამარჯვებულები წლის ბოლოს, ოქტომბერში გამოვლინდებიან.

ფოტო: FRANCIS DE ANDRES/WPY

ფოტო: MARTIN BUZORA/WPY

ამავე თემაზე: