კინოთეატრში ახალი ფილმის სანახავად წასვლა ყოველთვის კარგი გადაწყვეტილებაა, განსაკუთრებით მაშინ, თუ საყვარელი ადამიანიც შენ გვერდითაა.

კინოხელოვნება მაყურებლებს მუდამ უბიძგებდა გულწრფელი ემოციების თამამად გამოხატვისკენ, კინოთეატრის მყუდრო გარემო კი ხშირად კიდევ უფრო მეტ მოტივაციას გვაძლევს, რომ ჩვენს გრძნობებში სხვებსაც გამოვუტყდეთ.

ვალენტინობა ახლოვდება, რაც იმას ნიშნავს, რომ უახლოეს დღეებში სწორედ ზემოთ აღწერილი მიზეზების გამო კინოთეატრი შეყვარებული წყვილების შეხვედრების ყველაზე პოპულარული ადგილი იქნება. ამასთან დაკავშირებით ქართულ კინოთეატრებში უჩვეულო სარეკლამო რგოლიც კი გამოჩნდა:

სასურველი ფილმის ნახვის მოლოდინში კინოთეატრების ერთგულ სტუმრებს როგორი რეკლამა არ უნახავთ, თუმცა, ალბათ, მათ შორის არცერთს არ უზრუნია იმისთვის, რომ შეყვარებული წყვილებისთვის სპეციალური დრო დაეთმო.

ხუმრობა არ გეგონოთ: ეკრანზე სარეკლამო რგოლის გასვლის დროს დარბაზი ბნელდება და უკანა რიგებში მსხდომ მაყურებლებს პირდაპირ მოუწოდებენ, რომ ნუ მოერიდებათ, დრო იხელთონ და ერთმანეთს გრძნობებში გამოუტყდნენ.

თუ აქამდე ფიქრობდით, რომ კინოთეატრში შემთხვევით არჩეული ფილმის ნახვისას გაგიმართლებდათ და ეკრანზე გაცოცხლებულ ისეთ ისტორიას ნახავდით, რომელიც საყვარელ ადამიანთან გულახდილობისკენ გიბიძგებდათ, ვალენტინობის წინ ზუმერის რეკლამა კიდევ უფრო დიდ სტიმულს გაძლევთ, რომ ერთმანეთს სიყვარული გაუზიაროთ.

მაყურებლების რეაქციით თუ ვიმსჯელებთ, ზუმერის უცნაურმა რეკლამამ ნამდვილად გაახალისა კინოში მისული სტუმრები, მოქმედებისკენ უბიძგა და ბრენდის მთავარი მესიჯი — რას ელოდები? სიყვარულის დღესთან დაკავშირებული ფორმით შეახსენა.