დაკვამლიანების გამო მეტროს საბურთალოს ხაზი ერთ საათზე მეტია არ მუშაობს. როგორც სატრანსპორტო კომპანიაში On.ge-ს უთხრეს, მატარებლის მოძრაობის დროს დაზიანდა ე.წ. ხის შპალი, რომელზეც რელსებია განთავსებული. იყო მცირედი დაკვამლიანება.

კომპანიის განმარტებით, პრობლემის მოგვარებისთვის საჭირო გახდა ძაბვის მოხსნა, რის გამოც საბურთალოს ხაზზე სადგურები დაიკეტა.

ადგილზე მუშაობდნენ მეხანძრე-მაშველები.შემთხვევის შედეგად არავინ დაშავებულა.

სატრანსპორტო კომპანიაში ამბობენ, რომ საბურთალოს ხაზი მუშაობას მალე განაახლებს.