წარმოშობით იტალიელმა რეჟისორმა, ლუკა გუადანინომ კიდევ ერთი მისტიკური ფილმი გადაიღო, რომელსაც The Staggering Girl ჰქვია.

ფილმში მთავარ როლს ოსკაროსანი მსახიობი, ჯულიანა მური ასრულებს. მასთან ერთად ფილმში მონაწილეობს Twin Peaks-ის მსახიობი კაილ მაკლაქლენი.

გუადანინოს ახალი კინოსურათი უსინათლო მხატვრისა და მისი შვილის უჩვეულო ურთიერთობის შესახებ მოგვითხრობს, რომელიც მრავალ საიდუმლოსა და უცნაურ მოგონებას ინახავს. ფილმის ტრეილერი ცოტა ხნის წინ გავრცელდა.

ტრეილერის ნახვის შემდეგ ამ რეჟისორის ერთგულ მაყურებლებს შეიძლება მოაგონდეთ 2018 წელს გამოსული Suspiria, რომელიც საშინელებათა ჟანრის ელემენტებით ასეთივე მისტიკური ატმოსფეროს მქონე ისტორიაზე მოგვითხრობს.

ფილმის კომპოზიტორი ოსკაროსანი ხელოვანი, რიუტი საკამოტოა, პროდიუსერი კი სამოდელო სახლ Valentino-ს კრეატიული დირექტორი, პიერპაოლო პიჩოლია, რომელმაც ფილმში მსახიობების ვიზუალსა და ჩაცმულობაზეც იზრუნა.

აღსანიშნავია, რომ The Staggering Girl-ის პრემიერა გასულ წელს შედგა კანის კინოფესტივალზე, კინოგაქირავებაში კი რამდენიმე კვირაში ჩაეშვება.