ლუდ კორონას წარმომადგენლებს დიდი იმედი აქვთ, რომ მომხმარებელს მათი პროდუქტი ჩინეთში გამძვინვარებულ ვირუსში არ აერევათ. თუმცა, სულ ტყუილად, რადგან, ასეთი ფაქტები უკვე არსებობს.

18 იანვრიდან მოყოლებული ადამიანები ინტერნეტში აქტიურად ეძებენ ინფორმაციას სიტყვების შემდეგი კომბინაციით: "corona beer virus" [ლუდი კორონა ვირუსი],"beer virus" [ლუდი ვირუსი], და "beer coronavirus" [ლუდი კორონავირუსი].

ეს კი იმაზე მიუთითებს, რომ ადამიანები მსოფლიოს სხვადასხვა კუთხეში აშკარად ხედავენ ამ სასმელსა და უხანის ვირუსს შორის შესაძლო კავშირის საფრთხეს.

ფოტო: Jirka Matousek/Flickr

"გვჯერა, რომ მომხმარებლების უმრავლესობას კარგად ესმით, ჩვენს ბიზნესსა და კორონავირუსს შორის რომ არანაირი კავშირი არ არსებობს", — ამბობს კომპანიის კომუნიკაციების დირექტორი მეგი ბოუვმანი.

სიტყვა "კორონა" ლათინურად გვირგვინს ნიშნავს. ლუდი Corona Extra კი მექსიკაში წარმოიშვა.

ვირუსს კი მიკროსკოპული დათვალიერების შემდეგ უწოდეს ასე, რადგან ვიზუალურად მას გვირგვინის მსგავსი წინწკლები აღენიშნება.