ამაზონის პრეზიდენტისა და მსოფლიოს უმდიდრესი კაცის მობილური 2018 წელს გატეხეს. ამის მიზეზი კი ის იყო, რომ ჯეფ ბეზოსმა WhatsApp-ში საუდის არაბეთის პრინცის პერსონალური ნომრიდან მესიჯი მიიღო. ინფორმაციას The Guardian-ს წყაროებზე დაჰრდნობით ავრცელებს.

როგორც აღმოჩნდა, მოჰამედ ბილ სალმანის ნომრიდან გაგზავნილი ვიდეო სახიფათო ფაილს შეიცავდა, რომელმაც ბეზოსის პერსონალური დაავირუსა.

ანალიზის მიხედვით, მეგობრული საუბარი ბეზოსსა და პრინცს შორის 2018 წლის პირველ მაისს შედგა, რამდენიმე საათში კი ამაზონის CEO-ს მობილურიდან სხვადასხვა სახის პერსონალურმა ინფორმაციამ გაჟონა.

ჯეფ ბეზოსისა და საუდის არაბეთის პრინცის შეხვედრა 2018 წლის მარტში.

ფოტო: Saudi Press Agency

ცნობებმა მობილურის დაჰაკვაში MBS-ის (მოჰამედ ბილ სალმანი) სავარაუდო ჩართულობაზე, უოლ სტრიტი და სილიკონ ველი შეაშფოთა. თავის მხრივ, ამან შესაძლოა ხელი შეუშალოს საუდის არაბეთში დასავლელი ინვესტორების გამოჩენას.

ბეზოსის მობილურის გატეხვას ტაბლოიდების მხრიდან მისი პირადი ცხოვრების, მათ შორის პარტნიორთან გაგზავნილი მესიჯების, გასაჯაროება მოჰყვა.

ბეზოსის მობილურის გატეხვას 5 თვით წინ უძღოდა ვაშინგტონ პოსტის ჟურნალისტის, ჯამალ ხაშოგის მკვლელობა, რომელშიც ასევე საუდის არაბეთის პრინცს ადანაშაულებდნენ. საუდის არაბეთი ბრალდებებს უარყოფდა, თუმცა მკვლელობისთვის დაპატიმრებულებს შორის მისი გარემოცვის წევრები არიან. თავად ჯეფ ბეზოსი ვაშინგტონ პოსტის მფლობელია.

საუდის არაბეთმა საელჩოს სახელით ბრალდება უარყო:

"მედიაში გავრცელებული ინფორმაცია, რომ მისტერ ჯეფ ბეზოსის მობილურის გატეხვის უკან საუდის არაბეთის სამეფო დგას, აბსურდულია. ვითხოვთ ამ ბრალდების გამოძიებას და შემდეგ ყველაფერი ნათელი გახდება".