ხუმრობისთვის სწორი დროისა და სიტყვების შერჩევა Burger King-ს ყველაზე კარგად გამოსდის. სწრაფი კვების მონარქმა სასექსის ჰერცოგს სამსახური შესთავაზა. პრინცმა ჰარიმ და მეგან მარკლმა სულ ცოტა ხნის წინ განაცხადეს, რომ სურთ მაღალი რანგის სამეფო სტატუსი დატოვონ და ფინანსური დამოუკიდებლობისთვის იმუშაონ.

"ჰარი, ჩვენი სამეფო ოჯახი ნახევარ განაკვეთზე მუშაობას გთავაზობს", — წერია ბურგერ კინგის ტვიტერის ოფიციალურ ანგარიშზე.

ჰარი სწრაფი კვების არგენტინის ფილიალის ინსტაგრამზეც დატროლეს:

"ძვირფასო ჰერცოგო, თუ სამსახურს ეძებ, შენთვის ახალი გვირგვინი გვაქვს", — წერია ესპანურ ენაზე.

პრინცი ჰარისა და მეგანის გადაწყვეტილებას ცოტა ხნის წინ დედოფალმა მხარდაჭერა გამოუცხადა.