ირანში უკრაინის საელჩოს განცხადებით, თეირანში სამგზავრო თვითმფრინავის ჩამოვარდნა ტექნიკური გაუმართაობის ბრალი იყო. საელჩოში პირველად ინფორმაციაზე დაყრდნობით აცხადებენ, რომ ამ ფაქტს კავშირი არ აქვს ტერორიზმთან.

"წინასწარი ინფორმაციით, თვითმფრინავის ჩამოვარდნა ძრავის გაუმართაობის გამო. ტერაქტის ან სარაკეტო თავდასხმის ვერსია ამჟამად გამორიცხულია", — ნათქვამია განცხადებაში, რომელსაც CNN ავრცელებს.

უკრაინული ავიახაზების თვითმფრინავი ბოინგ 737, რომელშიც მინიმუმ 170 ადამიანი იმყოფებოდა, თეირანის აეროპორტიდან აფრენის შემდეგ მალევე ჩამოვარდა. თვითმფრინავი კიევისკენ მიემართებოდა.

ირანის სასწრაფო დახმარების სერვისების ხელმძღვანელმა, ფირჰოსეინ კულივანდმა აღნიშნა, რომ ცეცხლი იმდენად ძლიერი იყო, რომ მაშველებმა მგზავრების გადარჩენა ვერ შეძლეს.

თავდაპირველად გავრცელებული ინფორმაციით, ბორტზე 180 ადამიანი იმყოფებოდა. მოგვიანებით ირანული მედიით 167 ადამიანზე გავრცელდა ინფორმაცია. უკრაინის ეროვნული უსაფრთხოების საბჭო აცხადებს, რომ ბორტზე 177 ადამიანი იმყოფებოდა, მათგან 168 მგზავრი და 9 ეკიპაჟის წევრი იყო.

უკრაინული ავიახაზების ტექნიკური დირექტორის განცხადებით, ბოინგი 2016 წელს გამოშვებულია და ბოლო ტექნიკური შემოწმება 6 იანვარს გაიარა. მისი თქმით, შემოწმებისას პერსონალს არანაირი ტექნიკური ხარვეზი არ აღმოუჩენია და არც ეკიპაჟს უცნობებია რაიმე სახის პრობლემაზე.