ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაი ქეთევან ქარდავასთან ინტერვიუში საპარლამენტო არჩევნებს აფასებს.

საზოგადოებრივი მაუწყებლის თარგმანის მიხედვით, აპატურაის თქმით, ნატოს ყველა წევრი აღნიშნავს, რომ ჩატარებული არჩევნები იყო საქართველოს წარმატება. მისივე განცხადებით, დემოკრატიისთვის აუცილებელია გარემო ოპოზიციისთვისაც:

"საუბარია რომ საარჩევნო პროცესის დარულების შემდეგ, ქართული ოცნება საკმაოდ ძლიერად იყოს პარლამენტში წარმოდგენილი. მინდა ხაზგასმით აღვნიშნო რომ კარგად ფუნქციონირებადი დემოკრატია გულისხმობს გარემოს ოპოზიციისთვისაც, პატივიცემაზე დაფუძნებული დიალოგის გამართვას ხელისუფლებასა და ოპოზიციას შორის. დიახ, საქართველო ახალგაზრდა დემორკატიაა მაგრამ იყო ახალგაზრდა არ ნშნავს რომ რაღაცების კარგად გაკეთება არ შეგეძლოს. არიან ნატოს წევრი ქვეყნები რომლებსაც ახალგაზრდა დემოკრატიებად მივიჩნევთ და მათ აქვთ საარჩევნო პროცესში უმაღლესი სტანდარტები".

აპატურაის განცხადებით, მიუხედავად იმისა, რომ არჩევნები კარგად იყო ორგანიზებული, მნიშვნელოვანია კონკრეტული ინციდენტების გამოძიება საქართველოს კანონმდებლობის სრული დაცვითა და პატივისცემით:

"თავისუფლად შეგვიძლია ვთქვათ რომ საქართველო გამოკვეთილი მაგალითია დემოკრატიული პროგრესის, დემორკატიის მაღალი სტანდარტებისა და ისიც უდნა აღინიშნოს რომ ამის გაკეთება მარტივი არ არის".