პრეზიდენტმა დონალდ ტრამპმა სერგეი ლავროვთან შეხვედრისას რუსეთი გააფრთხილა, არ ჩაერიოს აშშ-ს არჩევნებში. ამის შესახებ Reuters წერს. რუსეთის საგარეო საქმეთა მინისტრის 10 დეკემბრის ვიზიტის შესახებ ტრამპის პრესსპიკერმა, ჯუდ რისმა ოვალურ კაბინეტში გამართა ბრიფინგი.

"ტრამპმა, ასევე, მოუწოდა რუსეთს, მოაგვაროს უკრაინის კონფლიქტი.", — თქვა პრესსპიკერმა.

ლავროვმა, რომელიც ბრიფინგზე თარჯიმნის მეშვეობით საუბრობდა, თქვა, რომ მას და ტრამპს შეხვედრისას "არჩევნების საკითხი არც კი განუხილავთ".

28 ივნისს იაპონიის ქალაქ ოსაკაში გამართულ დიდი ოცეულის სამიტზე ტრამპს ჟურნალისტმა ჰკითხა, მიაქცევდა თუ არა ყურადღებას 2020 წლის არჩევნებზე რუსეთის ჩარევის მცდელობებს. ტრამპმა მაშინ გაიცინა და პუტინს ჟურნალისტის კითხვის პასუხად ხუმრობით მიმართა:

"არ ჩაერიო არჩევნებში, არ ჩაერიო არჩევნებში".

აშშ-ს სპეციალური პროკურორის, რობერტ მიულერის განცხადებით, გამოძიებამ აჩვენა, რომ რუსეთმა 2016 წლის საპრეზიდენტო არჩევნებში ჩარევა სცადა, რაც, მისი სიტყვებით, ყველა ამერიკელისთვის "საყურადღებო უნდა იყოს".