ნატოს გენერალური მდივნის სპეციალური წარმომადგენელი კავკასიაში, ჯეიმს აპატურაი #Spend4SeasonsInGeorgia-ს კამპანიას შეუერთდა. ტელეკომპანია იმედთან საუბრისას მან ყველას ურჩია შემოდგომა, ზამთარი, გაზაფხული და ზაფხული საქართველოში გაატარონ, რადგან "ძალიან პატარა და ძალიან სტუმართმოყვარე" ქვეყანაში ყველაფერია.

"მე სრულად ვუჭერ მხარს ამ კამპანიას. საქართველოს პირველად დიდი ხნის ხნის ვესტუმრე და აღმოვაჩინე გასაოცარი ხედები; შესანიშნავი ხალხი; ალბათ, საუკეთესო საჭმელი, რაც ოდესმე გამისინჯავს და საუკეთესო სტუმარ-მასპინძლობა მსოფლიოში.

საქართველოში ფანტასტიკური ხალხი ცხოვრობს. ქვეყანას აქვს ყველაფერი: მთები, ტბები, ხანგრძლივი ისტორია და შესანიშნავი ღვინო", — ამბობს აპატურაი.

მას შემდეგ, რაც რუსეთის პრეზიდენტმა ვლადიმერ პუტინმა საქართველოში მიმდინარე ანტიოსაოკუპაციო აქციების გამო ტურისტული ემბარგო დააწესა, მოქალაქეებმა კამპანია #SpendYourSummerInGeorgia დაიწყეს. კამპანიის მიზანია მსოფლიოს მასშტაბით ტურისტებს მიაწვდინონ ხმა და ჩვენი ტურისტული პოტენციალი გააცნონ.

ზაფხულის დასრულებისთანავე კამპანიას #Spend4SeasonsInGeorgia დაერქვა და ამჯერად სტუმრებს ყველა სეზონის საქართველოში გატარებას ურჩევენ. კამპანიაში არაერთი ცნობილი ადამიანი, მათ შორის საქართველოს პრეზიდენტია ჩართული.

გაიგეთ მეტი კამპანიაზე: