ქერი მულიგანთან საბოლოო მოლაპარაკებებს აწარმოებენ, შედეგად კი შესაძლოა ის ეკრანზე რალფ ფიენესთან ერთად ვიხილოთ ნეტფლიქსის დრამაში The Dig.

ფილმი ნამდვილ ამბავზე იქნება დაფუძნებული და მოვლენები მეორე მსოფლიო ომის პერიოდში განვითარდება. მთავარი გმირი ქვრივი ედიტ პრეთი იქნება, რომლის როლზეც მულიგანი განიხილება. ის ფიქრობს, რომ მის მიწაზე სიმდიდრეა დამარხული, საბოლოო ჯამში კი მისი ეჭვები მართლდება. რალფ ფიენსი კი ბასილ ბრაუნის როლს ასრულებს, რომელიც ადგილობრივი არქეოლოგია.

ფილმის რეჟისორი სიმონ სტოუნი იქნება, პროექტის პროდიუსერი კი გაბრიელ ტანა.

პროექტზე მოლაპარაკება თავიდან BBC Films-თან იყო, სადაც ქვრივის როლი ნიკოლ კიდმანს უნდა ეთამაშა. თუმცა პროექტმა შემდეგ ნეტფქლისზე გადაინაცვლა.