ქართული ჰიპ-ჰოპ დუოს, KayaKata-ს ახალი ალბომი გამოვიდა და ის Youtube ფლეილისტის სახით უკვე ხელმისაწვდომია.

ამის შესახებ ბენდმა მსმენელს თავისი ოფიციალურ ფეისბუქის გვერდის საშუალებით შეატყობინა.

11 კომპოზიციისგან შემდგარ ალბომზე, რომელსაც სადაა ეწოდება, მუსიკოსები 1 წლის განმავლობაში მუშაობდნენ.

KayaKata-ს ჩამოყალიბებამდე მუსიკოსები ზურა ჯიშკარიანი და მაქსიმე მაჩაიძე ელექტროპოპ ბენდის, Kung Fu Junkie-ის წევრები იყვნენ. 2017 წლიდან კი ისინი სათავეში პროექტ KayaKata-ს ჩაუდგნენ და ამ ხნის განმავლობაში არაერთი პოპულარული ტრეკი ჩაწერეს.