იაკუტსკელი შამანი აპირებს, 2 000 კილომეტრი ფეხით გაიაროს, მოსკოვში ჩავიდეს და ფედერაციის პრეზიდენტი ვლადიმერ პუტინი განდევნოს. შამანს მიაჩნია, რომ პუტინი ბნელი ძალებისგანაა შობილი, რომელთან გამკვლავებაც მხოლოდ მას ძალუძს. აღსანიშნია, რომ ის არამხოლოდ პრეზიდენტში "ჩასახლებული დემონის", არამედ თავად პუტინის განდევნას გეგმავს.

შამანი ალექსანდრ სახალინა 51 წლისაა. მსვლელობა მან 4 თვის წინ დაიწყო და გეგმაში აქვს 2021 წელს ჩავიდეს მოსკოვში. ამისთვის კი დღეში მინიმუმ 20 კილომეტრი უნდა გაიაროს.

მისმა მსვლელობამ, არამხოლოდ მედიის, არამედ ხალხის ყურადღებაც მიიქცია. "სიყვარულს ვგრძნობ" ამბობს შამანი და ამტკიცებს, რომ ამხელა მხარდაჭერის ფონზე ვერავინ შეძლებს მის შეჩერებას.

"ჩემთვის პუტინის წასვლა იქნება გამარჯვება. მთავარია დავამარცხოთ დემონი და ხალხი თავად გაარკვევს დანარჩენს. გამოჩნდება ვინმე ძლიერი ვიდრე მედვედევი და მისთანები არიან. სხვა პარტიები წამოიწევიან, ჟირინოვსკი, ზუაგნოვი, ნავალნი. მთავარია, რომ ისინი ადამიანები არიან. დაე, ისინი მოვიდნენ სათავეში", — განუცხადა შამანმა რადიო თავისუფლების სიბირის ბიუროს.