ექსტრიმისა და ცურვის მოყვარულებისთვის ძალიან კარგი ამბავი გვაქვს — ლონდონის ერთ-ერთ ცათამბჯენზე კომპანია Compass Pools-მა მსოფლიოში უპრეცედენტო აუზი გაკეთება დააანონსა.

საქმე ის არის, რომ ეს პირველი აუზი იქნება, რომელსაც 360-გრადუსიანი ხედი და წყალქვეშა შესასვლელი ექნება. შუშის გამჭვირვალე ჯებირები კი ხედს კიდევ უფრო შთამბეჭდავს გახდის და აუზის სტუმრებს საშუალებას მისცემს, რომ დრო ზღაპრულ გარემოში გაატარონ.

ფოტო: compass

ამის გარდა, ეს იქნება პირველი ცათამბჯენი, რომელსაც მსგავსი დიზაინის აუზი ექნება. აუზი ამავე შენობის ყველაზე ბოლო, 55-ე სართულზე განთავსდება. აუზიდან ლონდონის ულამაზესი ხედი 200 მეტრის სიმაღლიდან გადაიშლება.

ფოტო: compass

ფოტო: compass

აუზის გამჭვირვალე ჯებირები კი განსაკუთრებული მასალით დამზადდება.

ფოტო: compass

ფოტო: compass

ამ ფოტოების ნახვის შემდეგ, გაგიჩნდებათ კითხვა, თუ როგორ უნდა მოხვდნენ დამსვენებლები აუზში.

"მოცურავეები იქ სპეციალური წყალქვეშა გვირაბით მოხვდებიან, რომელიც საჭირო მომენტში კონსტრუქციის ფსკერიდან ამოიზრდება", — განმარტავენ აუზის წარმომადგენლები.

ფოტო: compass

აუზი 2020 წელს გაიხსნება და თუ ამ დროს ლონდონში მოხვდებით, თქვენც გიმასპინძლებთ.