თეთრი ხმაურის მოძრაობის მიერ ორგანიზებულ აქციაზე, რომელიც დემურ სტურუას თვითმკვლელობის ფაქტის, არსებული ნარკოპოლიტიკისა და პოლიციის მხრიდან ძალადობის გასაპროტესტებლად გაიმართა, აქციის ერთ-ერთმა მონაწილემ სამართებლით თვითდაზიანება მიიყენა.

როგორც თეთრი ხმაურის მოძრაობის აქტივისტი, ბექა წიქარიშვილი ამბობს, აღნიშნული პირი პოლიციის ზეწოლის ქვეშ იმყოფებოდა და ზემოაღნიშნული გადაწყვეტილება ნერვიულობის ფონზე მიიღო.

ადგილზე მობილიზებულია საპატრულო პოლიცია, რომელმაც რამდენიმე წუთის წინ სასწრაფო დახმარების ბრიგადა გამოიძახა.