H1N1 ვირუსით ანუ ე.წ ღორის გრიპით საქართველოში კიდევ ერთი ადამიანი გარდაიცვალა. როგორც On.ge-ს ჯანდაცვის სამინისტროში განუცხადეს, ახალნამშობიარები ქალი ქუთაისში გუშინ ღამე გარდაიცვალა.

ეს გრიპის ვირუსით გარდაცვალების მეორე შემთხვევაა. გუშინ, 24 დეკემბერს ბათუმის რესპუბლიკურ საავადმყოფოში, გრიპის ვირუსით 53 წლის ქალი გარდაიცვალა.

გრიპის ვირუსით დაავადებულთა რიცხვი გაიზარდა. დაავადებათა კონტროლის ცენტრის ინფორმაციით, გასულ კვირაში 100 000 ადამიანიდან 185 გრიპის ვირუსით იყო ავად. გავრცელებული ვირუსების უმრავლესობა ე.წ. ღორის გრიპია.

დაავადებათა კონტროლის ეროვნული ცენტრის სამეცნიერო საბჭოს თავმჯდომარე პაატა იმნაძე On.ge-სთან აცხადებს, რომ გრიპის ვირუსის შემთხვევების ზრდის მიუხედავად ეპიდემიის საფრთხე არ არსებობს. ეპიდემიის ზღვარი 100 000 მოსახლეზე 450-ია.

გაიგე მეტი: