BBC-ის რუსული ბიუროს ცნობით, რუსეთში გამოცხადებული მოულოდნელი სამხედრო მზადყოფნის შემოწმების ფარგლებში, შავ ზღვაში - 15, ხოლო კასპიის ზღვაში 10 სამხედრო ხომალდი გავიდა.

რუსეთის პრეზიდენტის, ვლადიმერი პუტინის დავალებით, ქვეყანაში სამხედრო მზადყოფნის მოულოდნელი შემოწმება გუშინ დაიწყო და 31 აგვისტოს დასრულდება. როგორც რუსეთის თავდაცვის მინისტრმა, სერგეი შოიგუმ განაცხადა, შემოწმების მიზანია სამხედრო ძალების მომზადების ციკლის შემუშავება იმისთვის, რომ საფრთხის გაზრდის შემთხვევაში, რუსეთის ფედერაციის ინტერესები დაცული იყოს.

გამოცემის ცნობით, აღნიშნულ პროცესებს ვაშინგტონი ყურადღებით აკვირდება. როგორც პენტაგონის წარმომადგენელმა, მიშელ ბალდანსმა Ria Novosti-სთან საუბარში განცხადა, აშშ-ს იმედი აქვს, რომ რუსეთი არსებული შეთანხმების ფარგლებში იმოქმედებს:

"ამასთან, მეზობელ ქვეყნებს აღნიშნულ ქმედებების მასშტაბურობასა და ხასიათთან დაკავშირებით საკმარის გარანტიებსა და ინფორმაციას წარუდგენს".

ცნობილია, რომ აღნიშნული მოქმედებები ბოლო წელიწადნახევრის განმავლობაში ყველაზე მასშტაბური შემოწმებებია.