ფრანგმა რეჟისორმა, ჟან-ლუკ გოდარმა რუსეთში დაგეგმილი ვიზიტი გააუქმა, მიზეზად კი უკრაინელი რეჟისორის, ოლეგ სენცოვის დაკავება დაასახელა.

გოდარი სანქტ-პეტერბურგში, ერმიტაჟში დაგეგმილ გამოფენაზე იყო მიწვეული, თუმცა მუზეუმს წერილი გაუგზავნა, რომელშიც წერს, რომ რუსი ერისადმი თბილი დამოკიდებულება აქვს, მაგრამ სენცოვის ამბების გამო, რუსეთში ჩასვლა არასწორად მიაჩნია.

ოლეგ სენცოვი 2015 წელს რუსეთის სასამართლომ ტერორიზმში დაადანაშაულა და მას პატიმრობა შეუფარდა. უკრაინელი რეჟისორი ბრალს არ აღიარებს, არასამთავრობო ორგანიზაციები კი თვლიან, რომ სამხილები სენცოვის წინააღმდეგ შეთითხნილი და გაყალბებულია.

ეს პირველი შემთხვევა არ არის, როდესაც ოლეგ სენცოვის საქმის გამო პუტინს აკრიტიკებენ. რუსეთის ხელისუფლება გასულ წელს იზაბელ იუპერმა და ქეით ბლანშეტმაც გააკრიტიკეს.