ლეონარდო დიკაპრიო და ბრედ პიტი იმ ვარსკვლავების რიცხვს შეუერთდნენ, რომლებიც მოსახლეობას არჩევნებში მონაწილეობისკენ მოუწოდებენ.

მსახიობებმა მიმართვა ჩაწერეს, რომელიც დიკაპრიომ თავის ინსტაგრამზე ატვირთა.

ბრედი და ლეონარდო ვიდეომიმართვაში საუბრობენ არჩევნებში წასვლის აუცილებლობაზე და ამბობენ, რომ ქვეყნის გადარჩენის ერთადერთი გზა სწორედ ეს არის.

მსახიობები მიმართვაში საუბრობენ იმაზე, რომ ხელისუფლება არაფერს აკეთებს კლიმატის ცვლილების შესაჩერებლად, არ საუბრობენ განათლების რეფორმის აუცილებლობაზე, ივიწყებენ ჯანდაცვის პროგრამებსა და ლგბტქ უფლებებს.